上TVB《流行都市》教護膚

    菲星宜被讚童顏不改

    人氣節目《菲你莫屬》主持人菲星宜(Felix)近日獲TVB 邀請，參與拍攝《流行都市》節目，示範本年度春夏最潮的化妝同護膚，為愛美人士帶來既實用、又時尚的美容教學。

    當日Felix入到 TVB 錄影廠時，劇組人員和主持人胡諾言、張美妮竟然認唔到佢，原來 Felix近期特別換了新形象，染回黑色頭髮，仲整咗個爆炸頭，十分搶眼。

    主持人胡諾言笑言，Felix真係十年如一日，童顏不改，回想二人對上一次見面，已經是十六年前（二○○九年），當年由Felix幫他同太太June陳琪化妝。Felix感慨道：“真係光陰似箭，歲月如梭呀！”

    這次進錄影廠還發生一件趣事，張美妮提議拍攝期間點綴下她和胡諾言的妝容，增加氣氛。今次Felix安排的化妝模特兒，是前港姐Janet，而好錫佢嘅老公、著名練馬師謝偉豪亦陪同左右，擔當全能助手，為在場人士影相，表現出色。Felix 為謝偉豪點讚，“真係有條理又實幹，完全唔輸畀專業助手”。

    《流行都市》將於四月三日播出，不容錯過Felix分享的時尚化妝同護膚之道。

    本報記者：許文權