蘇麗珊被瘋狂加租逼遷

    日前，由森美、馮盈盈、陳若思主持的遊戲節目《Home即是識》進行錄影，周吉佩、支嚳儀、蘇麗珊、羅雪妍、曹敏寶、魏嘉以嘉賓身份亮相。蘇麗珊坦言不愛做家務，但知道勝出會有一萬文獎金，所以變得好有鬥心。她說平日不愛執拾屋企，衣物堆得很高才去執拾，最近因為業主瘋狂加租，被迫另覓新居，也因為執了幾日屋而很疲倦。但搵到很多未着過的新衫，有種尋寶的感覺，還搵到一封幾年前筆友寫給她的信件。與男友同居的她，指對方同樣不喜歡收拾家居，所以每次鐘點工人上門執屋時，都不好意思。

    周吉佩自認是住家男人，喜歡做家務，尤其是拖地同洗碗。他說喜歡做一些不用動腦筋重複做的家務，既開心又可以減壓。 他又說對家居收納有心得，喜歡將衣物摺得齊齊整整，並會將衣服顏色分類擺放，笑謂收納方面一定叻過太太，而一對子女也是好幫手。除了做家務拿手，周吉佩湊小朋友亦有一手，他說：“由個女出世開始，餵奶、換片，所有嘢都會做，不過明白太太好忙才冇時間做家務，所以自己係好樂意做的。”支嚳儀亦說愛執拾家居，又會在櫃桶貼上標籤分門別類，亦會叫工人姐姐跟指示分類，以免變得凌亂及方便找尋。不過老公就跟她相反，收拾得太整齊反而搵不到想要的衣物。