林熙彤獻熒幕初吻好緊張

    浪漫愛情新片《不是你不愛你》，由葉念琛身兼監製、導演、編劇，本月即將上映。早前在聖誕、元旦長假期舉行多個優先場，反應熱烈。戲中情迷男主角陳昊森的可愛少女Hazel（林熙彤），第一次拍戲，Hazel做足功課，但正式埋位，難免會緊張起來。“拍本片奉獻咗我好多第一次，除咗第一次拍戲、仲有第一次唱歌、第一次打人、第一次熒幕初吻，獻咗畀昊森，當日我哋係第二次見面，但我就係第一日埋位第一場戲，所以好緊張，我仲要係主動向佢表白、再錫佢塊面。其實現實中嘅我算係有啲膽嘅女仔，無論係感情事，抑或其他嘢，我認為機會係要自己爭取。”

    除了熒幕初吻令Hazel手足無措，掌摑戲中情敵Helen譚凱倫，也令她相當內疚。演出受讚賞，跟導演葉念琛及其他演員四出謝票，親身感受觀眾反應，開心又興奮。首次進軍大銀幕、剛踏入廿歲的Hazel，由Model界踩入影圈，坦言埋位前有做足功課。她說：“戲裡面我飾演子欣，一個好鍾意唱歌嘅女仔，只有十七歲，同我年紀好相近，埋位前我睇咗好多戲去參考，諗咗好耐點樣去呈現十七歲嘅子欣畀觀眾睇，佢嘅性格應該會係點。”