求婚周年拉埋天窗

    伍仲衡一切從簡好興奮

    去年一月六日， 音樂創作人伍仲衡在音樂會上當眾向女友Ida求婚成功，當時更現場獻唱包辦曲、詞、編、監的求婚歌《你是我最精彩的旋律》，場面非常浪漫感人。伍仲衡與未婚妻Ida訂於今日正式拉埋天窗，擺酒宴客，剛好是求婚一周年，伍仲衡為娶得賢妻可謂花盡心思，大扭六壬。

    二人正式拉埋天窗，為音樂界的一大喜事，兄弟團和姊妹團名單出爐，兄弟團有布志綸、區永權、劉威煌、J Arie、謝國維，張翼東；而姊妹團則有吳業坤，其他則是太太的好姊妹。

    大婚儀式，伍仲衡透露將一切從簡，“我哋下午四點就會斟茶，六點證婚，八點就會開party（酒席）。”大婚日將至，成家立室心情如何？伍仲衡甜絲絲回應：“興奮多於緊張，多謝太太一直在我身邊幫我打點一切、照顧我，當然我都會好好照顧佢，亦非常感謝歌迷一直對我的支持。”

    伍仲衡說還有很多朋友要感謝：“一定要多謝好兄弟布志綸幫我唱求婚歌《你是我最精彩的旋律》，已經錄好咗，但未決定幾時出。還有，非常感謝通利琴行贊助婚禮當晚舞台上的所有樂器，租金和運費全免，仲有好多朋友幫手，感謝大家。”

    伍仲衡與伍太早前拍攝結婚相，他穿上黑色的新郎禮服，顯得身形弗爆瘦晒，被問是否特意減肥影婚照，伍仲衡笑言：“都是假象，全靠有科技P圖，哈哈！同埋我影嗰日全日都在縮肚。”拍攝婚照當天，他感謝天公造美，非常順利，不過他表示影相好攰，“我只係想快點影完，同埋影到好肚餓。”

    拍攝當天，伍仲衡彈住鋼琴，太太則在後面搭着他肩膀，深情地依偎着，非常甜蜜。他們又在睡房、酒吧等不同位置取景，Ida換上多套性感婚紗，與伍仲衡十指緊扣，十分溫馨。