阿Sa：同石恆聰分手冇第三者

    昨日，蔡卓妍(阿Sa)、林愷鈴、朱鑑然及胡卓希亮相時裝品牌活動。阿Sa傳出與拍拖六年前男友石恆聰分手後，有不少傳言指是因第三者C小姐介入，而前港姐梁超怡與陳靜(DaDa)均屬嫌疑人物。回復單身的阿Sa首度開腔回應分手與第三者冇關。阿Sa說：“我們分開並冇第三者介入，據我所知，分開至今他沒有其他目標，他都好慘，一路畀大家誣衊，又沒有平台澄清，我們還是好好朋友，有一齊食飯，但當然單身男人或女人，多人追是正常的。”你現在有冇人追？她說：“我一向有人追，不過我好揀擇，現在忙演唱會冇時間理。”

    被問有冇一個睇得上眼，阿Sa笑說：“有就答咗你，冇就大家知咩事。”現在Open接受新戀情？阿Sa笑言：“我都冇Close過，好似廿四小時便利店。” 石恆聰會否去睇騷？阿Sa說對方有找她訂門票，她亦盡量幫親友安排。現仍保持好友關係，有否機會復合？阿Sa只謂：“兒女私情暫時要放埋一邊，最近沒時間想，我都過得好好。”清減不少的阿Sa昨日心情大靚，即場收到老闆送花補祝她日前四十一歲生日，拍照時又做心心手勢。