羅啟豪聖誕開音樂會

    羅啟豪(Ramon)在《中年好聲音》比賽奪得季軍後幾個月，公司為他安排不少演出機會，比賽時的演出《忘情號》、《當愛已成往事》、《連續劇》於YouTube 的 view 數同留言數量仲繼續攀升，為佢喺短時間之內儲得大量粉絲。

    為答謝一眾豪殼（其粉絲暱稱） 對他的支持， Ramon 將於下月廿三日晚上在麥花臣場館，舉行“ 與羅啟豪之冬日約會 Winter Rendezvous”，和豪殼一齊迎接聖誕，門票已於今天開始在 Cityline 公開發售。Ramon今次音樂會的名字，既溫暖又浪漫，身為平面設計師的 Ramon 特別設計了一款非常配合氣氛之音樂會海報。

    海報上的照片可以看到啟豪穿上暖笠笠之家居服，表現很舒服地坐在一個充滿聖誕佈置之客廳，然後對着鏡頭回頭一笑，像在對豪殼說：“Welcome to my home !”Ramon 解釋今次之海報設計靈感時表示：“呢幅相的畫面係我同我粉絲團隊一齊諗出嚟，但時間關係我哋覺得好難搵到一個理想的場地去影呢幅相。呢個唔係我英國或香港的屋企，一來我已經搬返晒啲嘢返香港，英國宜家無屋企口架喇；二來就係因為我前幾個月先搬返嚟，但一直都忙無時間執屋，所以屋企仲好多好多箱嘢未拆，周圍都係嘢，間屋完全唔見得人！”