事隔六年再合作
楊偲泳吳肇軒演歡喜冤家
ViuTV本地原創劇《轉角浣紗街》，由兩大影壇新貴吳肇軒、楊偲泳(Renci)合演，日前已於黃Viu煲劇平台首播。劇集以“1/2 Café”為背景，講述飾演老闆娘的Renci在咖啡店首創配對服務，為客人牽紅線，而飾演“分手大師”的吳肇軒，卻在店內經營“代理分手”生意，因而成為歡喜冤家。
飾演“分手大師”的吳肇軒，因為要代人提出分手，在劇中不時要被人潑咖啡或掌摑，他笑言小兒科，還分享一件拍攝趣事：“有一場戲，講Renci喺幻想中用咖啡潑我，拍呢場戲之前，佢練習好耐，話要點樣潑我先令我最甘，結果拍嘅時候潑歪咗，淨係潑到我個身。楊偲泳學嘢喇，善良係會得到最後勝利！”
在現實生活中，吳肇軒與Renci亦同樣是歡喜冤家，拍攝期間，二人不時搞笑互窒，令開工氣氛倍添輕鬆。吳肇軒與Renci在《轉角浣紗街》由歡喜冤家變成最終伴侶，Renci笑說：“六年前同吳肇軒合作過，佢經常都係做啲迷戀我嘅角色，冇辦法啦，我唯有接受。今次佢成日去我間舖度捕我，不過我哋係鬥氣冤家，反而劇中楊天宇先係迷戀我。”
Renci講到現場拍攝氣氛，直言非常開心，因為拍攝現場不僅有冷氣，而且充斥陣陣濃烈的咖啡味，令人有精神幸福感覺，她表示：“本身鍾意飲咖啡，一日可以飲三、四杯，所以好神奇，拍攝環境有咖啡香味，特別精神，大家都感覺好幸福，就算唔使埋位，都鍾意留喺cafe度。”
一連十集的ViuTV原創劇《轉角浣紗街》講述一個怕受傷害、寧願從不開始的女生，遇上認為痛過才算愛過的分手大師，在這小小的咖啡店裡，一同見證着眾生的愛情故事。劇集逢星期五、六中午十二時在ViuTV“黃Viu煲劇平台”上架。
