續爆阿姐私隱

    家英哥開心“食軟飯”

    汪明荃（阿姐）與老公羅家英前晚參與錄影《思家大戰》節目。

    家英哥受訪時自爆好多年前玩《獎門人》遊戲時，贏得大獎，阿姐在台慶抽獎中，又贏過名車，運氣好好，所以今次上《思家大戰》，都有信心勝出。他又表示自己與明星足球隊要到內地踢足球，老婆要拍廣告未能一齊去。身旁的阿姐聽到，表示自己要拍的是床褥廣告，這個客戶不經不覺已合作了三十幾年。家英哥笑言：“有個老婆識賺錢真係好，我可以食軟飯。我牙唔好，啲飯軟軟哋都幾啱我。（你上次上電台節目爆阿姐私隱，指她內褲全是粉紅色，返家後有否跪玻璃？）咁又冇，不過佢唔係全部都粉紅色，有其他色，總之冇紅色啦，我就有，平時我都會着。” 在旁的阿姐十分尷尬，叫家英哥不要再講內褲話題。

    最後，家英哥透露他們財政獨立：“我都係用自己錢，冇攞過佢嘅錢，我亦冇畀錢佢使。”