林漪娸與蛇共舞過足戲癮

    林漪娸除了演出無線處境劇《愛 · 回家之開心速遞》外，在新劇《寵愛Pet Pet》中亦有客串演出，劇中她以多套Bling Bling靚衫與蟒蛇有不少對手戲。雖然只有兩集戲，漪娸姐大呼過足戲癮：“呢個角色比平時嘅化妝濃得多，同埋要戴好多唔同嘅假髮，好有八○年代嘅感覺，造型好特別。其實我本身都有少少驚蛇，但唔係話好驚，如果唔係拍嘢都唔會接觸。但演員一拍嘢，就會拋開自己，只要角色需要就會做得到。”

    漪娸姐除了憑着專業精神克服對蛇的恐懼，其中情緒崩潰對着蛇爆喊及與蛇吻別的場口亦令人動容，她坦言好鍾意這場戲：“爆喊唔覺得好難演，反而好Enjoy！至於吻別戲係即時嘅感覺，有時感情一到就會做出好多行為同表情，係會自己流露出嚟，同埋劇本寫得好感動，好容易帶到你入戲。”