迎合觀眾喜好

    林夏薇奉旨糟躓周嘉洛

    昨日，無線新劇《寵愛Pet Pet》演員林夏薇、周嘉洛、陳庭欣、徐榮及袁文傑等到黃大仙宣傳，宣揚愛護動物，尊重生命的訊息。林夏薇自爆為迎合觀眾，拍了一段糟躓周嘉洛的短片，在抖音播出後有百萬點擊。

    《寵愛Pet Pet》昨日的宣傳活動上，除了一眾演員出席外，還有“動物守護 · 社區大使計劃”的守護之星警犬Sunny、Zander，牠倆齊齊與在場的小朋友互動，大受歡迎。

    林夏薇受訪時，表示自己在戲中經常鬧爆周嘉洛，得到不少觀眾讚好。她笑言：“我為咗迎合觀眾喜好，早前就拍咗段短片，以水壺狂噴嘉洛頭髮。原來觀眾真係好鍾意睇我糟躓佢，呢段片好受歡迎，放上IG兩日點擊就超過四十萬，在抖音播出更有一百萬點擊。仲有人留言叫我幫嘉洛剪頭髮呢。（如果觀眾要周嘉洛幫你剪髮又可會接受？）我依家正趕拍《逆天奇案2》，因為要連戲，若果剪頭髮要先問准監製。”

    周嘉洛則表示《寵愛Pet Pet》緊接下來的劇情，會交代到他與林夏薇漸生情愫，他笑言：“兩個人對得多了，好自然會有感情啦！（劇中還有其他女演員噃！）我現在單身，一個都唔關我事，感情方面，我係佛系嘅，一切隨緣，但依家緣份仲未到。（你與陳瀅連續合作拍劇，及參與旅遊節目，又可會日久生情？）我哋係分開拍㗎，我同滕麗名仲對得多啦！（傳聞陳瀅已經結婚？）真愛呢啲嘢，係冇影響㗎！”

    昨日，陳庭欣帶埋她的寵物鸚鵡Shabu Shabu到場，原來Shabu Shabu在劇中都有份客串，她說：“Shabu 雖然之前喺我嘅YouTube頻道出過鏡，但客串拍劇都係第一次，（可有酬勞？）講呢啲，有得客串演出已經好感恩，好多謝監製畀佢出鏡的機會。希望以後牠可以有機會拍廣告啦！”