梁釗峰港鐵車站表演好玩

    日前，歌手梁釗峰出席“港鐵藝術舞台”開幕禮，在香港站繁忙的放工時段獻唱新歌《已……》、《28天》、《天梯》三首歌。該活動因受疫情影響而停辦，近日以新面貌、新元素同大家見面，為藝術表演愛好者提供全新表演舞台一展所長。釗峰讚賞對藝術發展係好事：“其實有呢個舞台存在已經係推動藝術。”當天拍住釗峰同場表演的，還有由殘疾及傷健人士組成的香港共融樂團，釗鋒仲坐定定欣賞對方演出。完騷後釗鋒在香港站內與粉絲影合照才離場。

    當釗峰出場時即刻炒熱氣氛，引得現場粉絲歡呼不已，非常開心投入，更吸引了好多乘客圍觀聽佢嘅靚聲。佢唱出《28天》時不少途人停低腳步打卡！當唱《天梯》時，台下一眾主禮嘉賓更一起和唱，相當投入。釗峰話第一次以個人身份喺港鐵站唱歌：“成日經過呢個車站，有得唱歌真係唔同啲！以前我都成日街頭Busking，嗰陣時都冇呢個字，總之我係唱歌而唔係賣藝，因為冇收錢嘅！當時永遠唔知會遇到咩人，係講緣份、即興，好珍惜喺舞台度見到大家。”