否認富商狂追何浩文求愛

    蔡潔：目前單身事業為重

    前日，蔡潔、練美娟（娟姐）和吳沚默，亮相何文田的寵物酒店開幕活動，其中蔡潔和娟姐分別帶同四歲的愛貓“豬仔”以及九歲的愛犬“烏冬”現身。蔡潔的愛貓“豬仔”一身白灰色毛，肥嘟嘟十分可愛，面對鏡頭時亦不抗拒，她表示將來揀男友，對方亦一定要錫牠。

    近日，蔡潔的桃花運十分旺，有傳她被富商以銀彈攻勢力追，而之前合作拍劇的何浩文，更追她追到去寧波和北京“求愛”，對此蔡潔一概否認。她稱：“完全冇呢啲咁嘅事，我依家人係單身，亦都冇人追。”

    被問到可擔心報道令人聯想到她被富商包養時，蔡潔說：“都冇咁嘅事，我都唔知點解有呢啲傳言，所有衣食住行都係我自己賺嘅，為遲啲父母嚟香港住準備好啲，等佢哋有個舒適環境，搵一個自己鍾意嘅居住環境、有部車，呢啲都係做呢行嘅基本配置，而所有嘢都係我自己可以應付到嘅情況下生活。”

    至於何浩文，蔡潔強調對方只是朋友，又解釋對方往內地探班是因劇組有他的朋友，不用開工便飛過去探他們，跟住一大班人出去玩。她強調目前以工作為重，目前不諗拍拖。

    談到擇偶條件，要錫她和喜歡小動物、有孝心和愛心，是否圈中人則無所謂，因緣份很難講。

    記者再問到現時可有追求者，她說：“而家被寫成咁樣，仲有邊個敢追我？”蔡潔指出，之前有相士批她這幾年會愈忙愈好，自己都想在事業上衝刺，畢竟自己已三十四歲了，女藝人花期有限 。談到工作，她透露稍後將會同吳沚默以自駕遊方式到珠海拍攝無線旅遊節目。