放下身段求職仍處處碰壁

    前賭廳員工中年失飯碗逾年

    統計暨普查局數據顯示，二〇二二年第四季年齡四十五歲或以上的失業人口約為四千五百人，當中六成人尋找工作時間多於四個月。有中年失業的前貴賓廳員工，超過一年仍找不到工作。她自知競爭力低，已放下身段，努力求職，卻處處碰壁。

    要求嚴格似選美

    從前做貴賓廳賬房的吳女士，自二〇二一年九月貴賓廳結業，失業至今已一年多。她現年約四十六歲，做了賬房十二年，自知工作經驗少，亦只有初中學歷，求職要求已不高，“我咩工種都搵，銷售、服務、保安……有啲面過試但都唔請。都完全無要求，已經放低身段”。

    各大博企的招聘會，她全部都去過；勞工局的培訓課程也讀了兩期，並已報失業。數數手指頭，吳女士已經遞表超過十份，然而，“一份都未有通知，完全無”。她曾經面試某博企的衣帽間服務員，“佢同我講或者做員工制服，見你幾好笑容，又唔係年紀大。我以為有機會錄取，點知都係無通知。”經過種種挫折，她有感招聘會似“做show”，“佢講啲要求根本好似選美咁嚴格”， “我自己唔係後生英文唔叻，只要求衣帽間、制服房，都係唔得。而家都唔知點搵嘢做”。

    間中兼職求機會

    她又向記者展示其“一戶通”內的求職資訊，顯示“求職者拒絕約見（自動）”，但其實沒有通知過她見工，“我差唔多要搵掃街，有萬五文一個月”。

    她的丈夫也已失業多時，以前從事貴賓廳司機，但年紀比她大一截，卻比她更早找到一份看更工作，“連保安都唔請我”。二人育有一個六歲的女兒，在雙雙失業的時候，曾經申請短期食物補助，但她希望靠自己的雙手搵食，現間中有做兼職，只求企業能夠給她一個工作機會，“你都無嘗試畀機會我”。

    最近官方公佈就業情況改善的數據，吳女士有感不盡不實， “仲講政府支持幾多就業，我覺得嗰啲數字好假，我有幾個朋友都搵唔到嘢做”，“人哋話好啦，澳門而家開放啦，容易搵到嘢做，我覺得仲難，因為太多人失業，佢哋請都好揀人”。