賭廳出身再求職路崎嶇

    前員工冀企業聘人勿存偏見

    澳門博彩業過去三年可謂多事之秋，兩大貴賓廳“太陽城”和“德晉”的核心人物先後被捕判刑，原有貴賓廳板塊分崩離析，貴賓廳員工頓成失業大軍，時值疫情打擊，眾多員工求職之路不易走。有前員工作為過來人，希望企業不要對貴賓廳員工帶有偏見，能夠聘請他們，“我哋唔係真係咁膚淺”。

    本報記者  報道

    非做慣廳眼高手低

    “基本上唔係中六合彩都搵唔返以前份人工”。Linda（化名）從前是太陽城的部門主管，曾經最高年薪八十、九十萬，面對公司突變，市場工資水平的巨大落差，初期未有急於找工作，“當時未認清楚市場，我會覺得無理由咁快就要跌去搵萬二、三文。我用咗咁多時間，努力喺呢份工度，但我根本各方面都平衡唔到，所以就唔去選擇。唔係啲人話你哋做慣廳，眼高手低”。

    使Linda認清現實的轉捩點，出現在一次賭場招聘會，“可能大場接受咗政府嘅社會責任。去到一睇無賭場掛鈎，都係執房、餐廳服務員呢啲”。於是朋友介紹做美容，她立即抓緊這個工作機會。

    由失業到轉行，其實前後只有二十多日。然而，美容業也正值疫情打擊，經營困難，“當時連食飯、供樓都成問題，邊個去關注我靚唔靚？正唔正？”作為新分店店長的Linda，要背負業績壓力，老闆開分店其實也只是將租約滿的舊店資源調動到新店，“開分店根本唔係嗰回事，只係舖換舖”。每個月人工的提成部分，基本上賺取不到，只能賺取一萬五千元的底薪。衡量過前景、平衡家庭生活，她又心心念念回到賭場工作，“錢都搵唔到，不如過得輕鬆啲。賭場一更接一更，唔會無咗你運作唔到”。

    差別對待令人洩氣

    做美容只有短短幾個月，中間她有找賭場工作，幸而獲得見工機會，便全力以赴去應徵，最後成功獲聘。說到現在這份工作，Linda並沒有因為工作機會難得而積極表現自己，差別對待的薪酬待遇、公司的制度讓她感到洩氣，現在工作只是“打工仔”心態。她的人工是“疫情價”，比內地同事低，“正正經經幾多咪幾多，做乜仲要壓我一千文啫？”所屬部門中約半數是內地僱員，且他們有額外的住宿津貼。

    她認為，現在博企應該釋放更多職位給本地人，“唔係唔想畀份工勞工，而係而家好多澳門人需要一份萬五文以上的工作，亦肯去做，點解仲畀內地同事？比例仲要咁高？”。

    出面真係搵食艱難

    訪問中，Linda不時提及前僱主對員工的好，是“鼓勵第一”，不同於現公司，“搵錢第一、績效第一、回報第一”。現公司和內地同事的合約每半年一簽，故內地同事工作很“搏命”，“內捲”嚴重。她慨嘆，“出到去先知道，出面真係搵食艱難”，“最大收益係以前貯落啲錢，（現在）未至於要好奔波。真係搞唔掂就賣樓。”

    她在廿八歲踏入太陽城，繼而結婚生子置業。步入三十多歲、二〇一九年疫情時，家裡發生巨變，與丈夫離婚，兒子讀小學要兼顧其學業，接着就是失業，“一波波嚟，感到好辛苦”，“佢嘅落幕，令到我哋嘅人生都有好大起伏……以後都返唔到嗰個高度上面，呢個錯失感好大”。

    舊同事多海外謀生

    對於舊同事的去向，她表示隨着防疫政策開放，越來越多舊同事去海外的貴賓廳打工，但人工已不及從前。她也希望企業不要對貴賓廳的員工帶有偏見，“點解廳出到嚟嘅人咁難開始，因為覺得我哋唔正經，好識投機、行精面。但我成日講，要諗我哋優點，做廳出嚟嘅，好多企業應該吸納，以前主管級以上要上好多課，有職涯培訓，我哋唔係真係咁膚淺”。