顧嘉煇兒子：父親走得突然

    殿堂級音樂大師顧嘉煇於加拿大離世，享年九十二歲。煇哥兒子顧志和接受TVB《娛樂新聞台》越洋訪問透露，父親身體狀况一向頗健康。他說：“是最近兩三星期有啲併發症，同埋好似好容易好疲倦，大部分時間瞓在床。他一直身體都幾強壯，食嘢好正常，幾有幽默感。”醫生判斷煇哥甚麼問題？他續稱：“年紀開始大，入院有啲呼吸困難有啲痰。九十二歲身體，醫生話好多嘢在這個年紀變得好快。我哋每日都有探佢，昨晚忽然惡化，朝早收到電話，醫生叫我哋去睇睇，話佢情况有少少惡劣，呼吸時要用氧氣。我哋去到之後冇幾耐，捉住他隻手好Warm，但好快就慢慢停止呼吸，發生得好突然。”

    爸爸有否心願未了？顧志和說：“相信他最大願望是‘獅子山下＇會更好，你知香港九幾年之後好多事發生，經濟各樣同黃金時代有啲唔一樣，但香港人好有Resilience（恢復力），他人生大部分時間在香港，當然希望香港會更好！”提到後事安排，顧志和說：“儀式會在溫哥華舉行，仍然籌備中。”會否在香港辦追思會？他指暫時沒有考慮，希望低調一點。