否認與竇驍分手

    何超蓮：我哋感情穩定

    已故賭王何鴻燊的女兒何超蓮，與交往三年男友竇驍經常在社交平台大曬恩愛，又以情侶檔亮相內地綜藝節目及出席品牌活動。近日卻傳出二人感情有變，前晚超蓮亮相《獎門人新春感謝祭》節目，被問到與男友感情狀況時，她強調感情穩定，但不想講太多，以免講多錯多。

    超蓮說今次是自薦上節目，因為自小已很鍾意睇《獎門人》，但開會後覺得自己做錯了決定。她最不想玩“開口中”，因怕滿面塞滿忌廉。問到可有預備多套衣服替換時，她透露臨場才去買了一次性紙內褲替換，她笑說：“我只怕凍到感冒，唔怕樣衰，我玩得嘅。”

    超蓮說回港已兩星期，會留港過農曆新年及陪媽咪過生日。問到與男友竇驍的感情狀況時，有備而來的超蓮說：“幾好（有傳你同男朋友分手？）都傳過大肚啦，唔緊要啦，習慣就好，（感情穩定？）嗯，哈哈。我答咗㗎啦。”後來經不起傳媒追問，她才說與男友感情穩定。會否早點結婚？超蓮只是“唔＂了一聲。當問到她是否不想爬家姐頭時，她才說：“冇惗住答呢個問題，我咪答咗囉，我好有禮貌答呢個問題㗎。（有冇求婚？）下一題！（會唔會幫家姐做伴娘？）下一題，哈哈，我唔會跌落呢個陷阱嘅！”

    傳媒繼續追問她和男友感情是否起風波，她強調沒有風波及感情事唔想同大家分享：“唔想講係怕講多錯多，（你自己講可以避免亂寫噃！）冇所謂，講咗都會畀人亂寫，（農曆新年同情人節會唔會一齊過？ ）下一題，My Love is my mum，情人節都可以同媽咪過，總之感情穩定啦。”