欣宜馮允謙坐纜車唱歌

    鄭欣宜(Joyce)、馮允謙(Jay)日前在頒獎禮取得好成績，Jay更宣佈即將在紅館舉行個唱。日前二人現身昂坪360，在二○二三年初率先舉行一場與別不同的“360 最離地演唱會”，分別在全新推出的全景纜車Crystal+及昂坪市集舉行。二人落力獻唱吸引網民，現場遊客見到二人亦份外興奮。Joyce說是第一次乘坐昂坪360，從未想像過在纜車內獻唱：“呢日真係好凍，我哋見昂坪得七度，好似着幾多衫都唔夠暖咁，所以我黐咗好多個暖包。其實我本身有啲啲畏高，但係拍攝當日天氣時好時毛毛雨、

    加上有大霧，坐纜車嘅時候好似穿越雲層咁，天然美景睇到呆咗，唔記得驚。”

    兩位歌手無懼寒冷天氣及濃霧影響，發揮超水準的表現，現場演唱多首歌曲。Joyce同Jay喺車廂獻唱時，迎面而來嘅遊客非常興奮，不時向二人揮手打氣。馮允謙說是次高空演唱非常難得：“其實我都係第一次搭昂坪360，一聽到可以喺纜車入面唱歌就好興奮好期待！演出時我哋有好多嘢要兼顧，好似歌詞、音準、拍子，唱完都差唔多到站，沿途仲有唔同風景睇，真係一次好難忘嘅experience！”