林嘉欣不擅理財搵專家幫手

    李麗珊與林嘉欣前日出席銀行廣告記者會，兩人第一次合作拍廣告，默契十足。林嘉欣自爆不時傾湊女經：“同珊珊拍廣告好難忘、好投契，埋位同唔埋位都係傾湊女經。珊珊個女已讀大學，我仲要慢慢捱。呢次好開心同佢合作，覺得佢好親切。好多年前珊珊拍廣告講養大個女要四百萬元，聽到我好驚、諗住唔生，但最終自己都生咗兩個。使咗幾多真係唔知，總之平有平養、貴有貴養，有需要使都要使。”

    廣告中，珊珊教林嘉欣玩風帆。嘉欣表示兩個女各有興趣，大女鍾意寫故事、畫漫畫：“可能佢受爸爸影響，因爸爸有寫劇本。細女就鍾意游水。我淨係識湊女同拍戲、唔識理財，係咪好唔似呢？所以我就要專業人士幫手。”

    談及林嘉欣參演的電影於金像獎獲獎，她表示因為早瞓而未能睇直播：“我有恭喜導演！佢將咁重大的角色交畀我好開心，很榮幸可以參與，得到呢個成績好圓滿，替他們開心！”