張沅薇被蘇皓兒魅力吸引

    張沅薇(Amy)息影逾廿載後，年初宣佈復出進軍KOL界，繼在個人頻道推出《Amy廚房》分享下廚心得後，近期又聯同可宜、鄭啟泰主持網上平台健康資訊節目《醫師Talk》，與嘉賓及醫生一起與大家分享健康訊息。日前節目邀請了蘇皓兒大談健康心得，Amy笑言被對方吸引，令她目不轉睛。

    Amy是九○年代兒童節目《閃電傳真機》女主持，提到相隔逾廿載再次主持節目，她表示心情緊張，拍攝前一晚緊張到失眠。她說：“每次有幕前工作，前一晚都會緊張到瞓唔着，跟住唔夠瞓就會生眼瘡，我覺得要克服呢個問題。好彩今次兩位拍檔可宜同啟泰都係好有經驗嘅主持，可以提點我，始終我對主持工作已有啲生疏。”

    首次跟“宅男女神”蘇皓兒見面，張沅薇自言被對方魅力吸引。她說：“佢嚟我哋節目分享美容貼士。雖然佢年紀輕輕，但已經好識得養生和護膚。我覺得自己要好好向佢學習，佢真係好健康，而且好迷人，我對眼未停過咁望住佢。佢短頭髮又眼大大，係我鍾意嗰啲類型，但想當年經理人唔畀我剪短髮。”