四哥封帝話題多

    “喂，‘四哥’謝賢係咪中風呀？”胡楓晨早接好友查詢。吓，昨晚好哋哋上台領奬……“佢捧影帝獎時，右眼斜咗，個嘴歪咗。”謝賢再三除口罩，“人多呀！”林家棟再三強將四哥的口罩拉上。鏡頭大特寫再三，面部狀況看得眞切。加上，謝賢由林家棟攙扶到會場，隨侍在側，上台也步步為營，當了四哥的人肉柺杖。

    謝霆鋒呢？“恭喜老竇！”在北京工作的謝霆鋒，早已電賀。之後更網上發文：“爹哋得到最佳男主角，我當然好替他開心。多謝所有影迷，在過去六十幾年對他的疼愛與支持，前年他已獲頒終身成就奬，今年又得最佳男主角……”

    謝賢影帝，亦“影帝之父”——謝霆鋒當年封金像影帝上台領獎時曾表示：“當我十八歲攞新人奬時，返到屋企，將個奬放在檯上，同老竇講：你拍過幾百部戲，有冇攞過金像奬？希望他原諒當日這個不知天高地厚、無禮貌的小朋友。老竇，你先至係最佳男主角。”今回，謝賢是報了兒子“一奬之恩”了。四哥兩獲“終身成就奬”，今次補回影帝，才算完美。

    網站夤夜影出四哥的大特寫，疑似歪嘴斜眼。修哥說：“冇事，上星期才約他飮茶。”提到難兄難弟謝賢八十五歲榮膺最年長影帝，今年九十歲的修哥若再拍電影，明年也有機會破四哥紀錄。“唔會啦，四哥演戲叻嘛！我唱歌方面都破了在紅館開演唱會最年長歌手的紀錄。”

    玉樹臨風，至緊要有型，上床演做愛戲都戴墨超的謝賢，獲奬評價有二：一、謝賢已不是謝賢，除墨超演戲，皺紋暴露，老態畢呈，全脫風流倜儻的小生形象。二、謝賢回復真謝賢，明星回歸演員了。

    最資深的明星，回歸做專業演員？“唔好玩啦！”謝賢驚搞爛自己招牌。林家棟說：“初期四哥信我唔過，見過五次面，了解《殺出個黃昏》講乜。我話角色貼地，須脫墨鏡，重現他的凌厲眼神！”林家棟成為“老人戲”聖手了，他監製的《打擂台》，梁小龍、泰迪羅賓、邵音音都得了奬，叫好叫座。又再證明香港影圈，寶刀不老仍彌堅！

    高梁