周秀娜淡定面對觀眾意見

    賀歲片《臨時決鬥》截至日前票房破千萬，仍穩佔港產賀歲片票房冠軍之位。前晚導演麥啟光聯同演員周秀娜、張文傑及胡子彤到戲院謝票。三位演員希望新年票房當然愈多愈好，最好就收到億億聲。問如何再去谷票房，張文傑笑言已去Gym谷胸肌腹肌，看電影公司如何安排他騷給大家看，而胡子彤已找數穿“孖煙通”，張文傑亦承諾穿Deep V，他則笑言這幾天天氣太冷，待好天啱時候也可以玩吓，當然希望票房更好可去到三千萬。

    周秀娜被問會否“出手”，她笑說：“冇叫我找數喎，當然想票房愈好，三千萬啦，大家有咩要求？”再表演經典一幕“擦牙”？娜姐笑答：“我日日都擦牙，使唔使加埋冬天食雪糕？近日有網民只看了0.7套賀歲片便離場，評論今年賀歲片不應是粗製濫造用來吸錢的工具，引起張繼聰回應不認同其說法。會否怕因此影響票房？娜姐則覺得電影其實沒分賀歲檔與否，只是安排上映的時間：“無論叫好不叫座，或叫座不叫好都是個人感受，票房好唔好不能預計，自己演好部戲，我覺得觀眾都有會鍾意、有共鳴，唔會為賀歲有諗法，亦唔會因為咁影響票房！”