歐陽震華加盟英皇有驚喜
英皇娛樂日前舉行新春團拜晚宴，集團主席楊受成率領旗下藝人：泳兒(Vincy)、歐陽震華、周家怡、溫碧霞(Irene)、陳國邦、女團VIVA、楊天宇(Angus)、曾傲棐(Arvin)、艾妮(Elly)、洪助昇(Aiden)、海兒(Hedy)及霍汶希(Mani)等出席，星光熠熠。去年加盟的歐陽震華，首次參加公司的新春團拜：“好開心，因為我好多年冇參與類似嘅活動，以前喺TVB好似冇呢個環節，團拜就有，但一齊食飯就冇。”他指最興奮的是入了新公司後，做了一些他從沒做過的事。
他說：“第一年入公司，舊年六月開始到而家過咗半年，我覺得呢半年好刺激，刺激嘅係我做咗啲以前咁多年都冇做過、或者冇人搵我做過、甚至係自己冇諗過我會做到嘅事。”他說的是參與了內地歌唱節目《聲生不息》：“初初我都覺得好似唔係好關我事，呢個節目唱歌嘅個個都係樂壇天花板，但公司話關我事，因為嗰一集係講港劇主題曲，所以好適合我呢個身份上去，因為我實在拍太多港劇啦！”當時十分緊張，他一唱完就問公司同事他有冇走音，又不諱言唱歌沒技巧，只是真心演繹一首歌給觀眾聽。
