鄭伊健譚玉瑛見面互窒

    鄭伊健日前現身新城廣播，接受好友譚玉瑛（阿譚）、何基佑及麥皓兒主持的《QK玉瑛室》錄音訪問。伊健和阿譚因合作兒童節目《430穿梭機》而成為好友，兩人久別重逢不但沒有芥蒂，反而互窒兼互相爆料。

    阿譚大爆伊健拍兒童節目時記稿最差，但伊健給她的感覺十分乖巧又正氣。阿譚說：“佢啱啱出嚟做嘢，有日同佢傾偈講抱負，佢話第日要買間屋比父母住，我當時都冇諗過，唔通我真係咁不孝？”不過伊健自爆當初聽前輩意見，賺到錢要買樓投資，怎料慘變負資產。

    伊健與太太蒙嘉慧(Yoyo)結婚超過十年，兩人近年閒時旅居日本，生活優哉游哉。阿譚問他由兒子變成丈夫的心態有沒有轉變？伊健說：“冇。（你係一家之主？）都係兩個人啫！（喺屋企有話事權？）冇權話事！但我哋兩個想法好接近，夠用就得，已經好開心。”之後阿譚問伊健為何不生育？他指看新聞覺得世界太亂，所以怕了，隨即反問阿譚：“咁你都一樣！”阿譚沒好氣說：“呢條問題由我嚟問真係激氣。”其餘兩位主持即拍手掌大笑。