張運兒忘我狀態玩飄移車

    張運兒(Yoona)繼《Hallucinate》及《What am I looking for》歌曲後，推出第三首作品《無人陪我也很快樂》。Yoona更首度挑戰跳唱，向樂迷展示更多不同才能。

    《無人陪我也很快樂》由楊鎮邦(Bryan)監製及編曲，Yoona繼續夥拍Bryan作曲及填詞。歌曲延續《What am I looking for》主題：在經歷過尋找、探索之後，發現一個人都可以很快樂。MV特別選擇在商場內拍攝，只見Yoona自己一個去食拉麵、打機、逛街，就連玩飄移車也獨自一人。而在拍攝飄移車的時候，Yoona駕駛着飄移車在車道上奔馳，她更高呼好爽，完全進入了“無人陪我也很快樂”的狀態！她笑說：“我本身有車牌，所以玩飄移車都唔驚，反而覺得好好玩，係一個好特別嘅體驗！”

    從參加比賽而逐步成為二○二四年唱作新人的Yoona，在推出過三首歌曲後，她表示：“由最初好怕醜，到而家可以喺舞台表達自己，呢一年成長咗好多，好多謝監製Bryan同埋每一位支持我嘅朋友。未來我會繼續努力，喺音樂上探索更加多嘅可能，挑戰唔同風格嘅作品。”