薛家燕首演網劇過足戲癮

    薛家燕首次參演英語迷你網劇《選美兄弟班》，將於十二月五日在各大社交平台全球上架，劇集由王梓軒、石祐珊及導演Simon Yin擔任主創團隊。故事以溫哥華舉辦的第一屆男子選美比賽為背景，描寫有關友誼、野心與娛樂圈秘聞的故事。劇中，家燕姐放下一貫的慈母、搞笑形象，挑戰“雙面人”角色，全因身兼主創人及主演的梓軒不想浪費家燕姐的演技，設計了家燕姐的角色是人前好歡樂，但面對黑幫大佬又變得好強硬，令家燕姐過足戲癮實行演技大爆發！

    家燕姐笑指：“首次以英語對白拍攝，要邊演邊記住啲英文對白，好彩有梓軒提示。我初初以為網劇會簡單啲、輕鬆啲，但係劇組拍到好似電影咁、好嚴謹，我都學到好多嘢；佢哋又對我照顧有加，整個拍攝過程很順利。雖然溫哥華啲天氣凍咗少少，但因為佢哋個個都好Nice令我覺得好溫暖。”

    王梓軒更有份創作和製作劇集內的歌曲，提到創作靈感，梓軒說：“溫哥華係‘華姐之都’，有廖碧兒、鍾嘉欣、李亞男、岑麗香等，呢個地方就好似一個跳板咁，讓好多有夢想嘅人成功追夢，期望《選美兄弟班》能夠引起世界各地網民的共鳴。”