劉錫賢與女神香香合作拍劇

    HOY TV首套原創劇《我愛九龍城》，除了大家已知的班底外，劇組還邀請了好多大家熟悉，但已甚少在公仔箱見到的面孔，例如金牌綠葉劉錫賢就是其中之一。另外，還有張敬仁(Kendy)、盧頌恩（妹頭）、李尚正（阿正）等好戲之人！

    早前劉錫賢與岑麗香（香香）、古明華（古佬）在一間舊式鐘錶行拍攝。古佬一見劉錫賢就叫大佬，原來二人都係演藝學院嘅畢業生。不過劉錫賢仲要早兩屆，經常一起做舞台劇，不過出道後大家都在不同電視台工作，甚少有碰面機會。首次與香香合作的劉錫賢說：“香香對我來講可以話係女神，好渴望有機會合作，可惜大家唔同電視台，所以一直無合作機會，估唔到相隔咁多年居然有機會合作。”

    劉錫賢還透露與女友好事近：“前兩個月我已向雙方長輩交代咗，應該明年正式拉埋天窗，始終大家拍拖三年都係時候啦。”

    而張敬仁與岑麗香、陳家樂兩位主角在殯儀館拍攝。演戲經驗尚淺的Kendy大讚香香犀利：“佢簡直係一秒入戲啊，所以同佢對戲，好快就進入狀態。家樂更加唔駛講，真係好專業，好開心有今次合作嘅機會。”