陳自瑤首演女一床戲惹熱議

    無線新劇《婚後事》將於本月二十六日推出，主要演員包括陳自瑤、羅子溢、王敏奕、羅天宇、黎諾懿及賴慰玲，戲中眾人經歷離婚、報復、出軌、不忠、結婚、放手及重生等不同經歷，呈現不同風格的故事。

    《婚後事》除了是陳自瑤(Yoyo) 首度升呢女一之作外，更盛傳劇中有不少突破傳統電視尺度的親熱戲。觀乎TVB昨日發佈的宣傳照，暫未見任何刺激官能場面，焦點反而落在一眾男、女主角的角力戲及爆喊場口。Yoyo受訪時坦言《婚後事》劇本相當扎心，單看文字描述已夠她喊濕數盒紙巾，正式拍攝時更是試過一日之內由頭喊到尾。Yoyo憶述拍攝時的“苦況”：“返到屋企真係攰到唔識郁，日日係咁喊係咁鬧係咁化妝變裝，唔單止唔夠瞓，忙起上嚟仲可能真係每餐只扒兩、三啖飯就埋位。不過幾辛苦都值得，一來個劇本我好鍾意，二來今次係自《缺宅男女》後再同羅子溢合作，大家經驗多咗、又一樣畀個劇本感動到不得了，所以合作起嚟好有火花。”