阮兒與梁朝偉合作願剝光豬

    昨日，鍾采羲(Iris)與阮兒亮相尖沙咀商場聖誕活動。曾在電影《鴨王》中有性感演出的鍾采羲，被問到可有勇氣挑戰全裸演出藝術電影，她笑說：“以前拍戲有打底，而家年紀大冇人睇，我底線係要有打底。”她透露近日與友人合資七位數開設了健身中心，她除了會負責Marketing工作，亦會教班，因之前已考取了健身及瑜伽教練執照。另外，阮兒透露與圈外從事金融的男友拍拖兩年，趁着媽咪近日由荷蘭返港，準備帶男友家長。

    阮兒說想一試擺市集攤位賣畫作，因之前疫情期間在家中畫了廿多幅畫，希望有機會開畫展。阮兒小時學過畫畫，最初是學畫素描，亦試過畫人體素描：“嗰次係我個女性朋友結婚，我哋成班女仔矇住佢雙眼，帶咗佢去巴塞羅那，一打開眼就見到個冇着衫嘅男人，嚇死佢。”她說之後大家留低素描，亦不尷尬。問到若有人找她做人體素描的模特兒又可會應承，她說：“我覺得就算唔着衫可以喺坐姿、手嘅擺位上就到，只要遮住睇唔到某啲部位，如果係為藝術，Why  not ？就算係拍戲，若拍得有藝術性及好有美感，又係法國導演，對手係梁朝偉的話，可以乜都除晒。”