兼職過度身形消瘦

    麥明詩暗認上圍縮水

    前日，麥明詩、蔡穎恩、吳嘉禧、鍾舒漫、鍾舒祺、余潔滢、陳庭欣及曾志偉等，到沙田馬場出席活動。麥明詩無懼寒冷天氣，以低胸裝亮相，她透露近日積極增肥，因之前太瘦，令媽咪好擔心。她說：“所以近日努力食多啲同做多啲運動，都肥咗幾磅。（目標增幾多磅？）睇個外形同效果。”

    昨日麥明詩以名貴首飾配襯低胸裝現身，被問到將來結婚是否也要有這身行頭，麥明詩不諱言結婚當然想靚，但都要靠人支持。是未來老公支持？她說：“佢未，要儲吓錢先。（要儲老婆本？）我都儲緊錢，我雖然已置業，但未來需要用好多錢，要未雨綢繆。（儲奶粉錢？）絕對係，我自己都可以飲，滿足實際需要先。”谷胸上陣的她，被問到上圍是否都有增長，她笑說：“一向有高有低，高山低谷咁。”她自言不論係外貌或狀態都頗浮動，惟有盡量多休息及運動。被問到是否因身兼多職太辛苦以至消瘦，她指今年香港有很多變化，有得忙是好榮幸的事。

    蔡穎恩同樣以低胸紗裙示人，她說因裙子一早選好，沒想過天氣如此凍。不過自己甚少穿得如此隆重，為了靚都無辦法。可有被老公投訴太性感？她鬼馬地說：“今日冇畀老公睇，我會披返件羽絨先畀佢睇。”她說平日有買合彩，但對賽馬不熟悉，入場之前都想過買份馬經或上網研究一下，但完全看不明。不過有相士指屬馬的她明年容易有財運，有機會中六合彩三獎，可能只是氹她開心。不過她想在發聖誕大財。她又說出席完活動後，晚上會與老公一家出外提早吃冬至飯。

    吳嘉禧前日生日，她說晚上仍有工作，收工後回家與愛犬一齊慶祝，之後才跟媽咪補慶祝。談到生日願望，她說：“家人同自己身體健康，因為媽咪同舅父呢排不時進出診所，要好好珍惜同佢哋相處嘅時間。（拍拖呢？）順其自然，我係拍拖大過天嘅人，而家keep住平穩情緒都幾好，同埋希望事業蒸蒸日上。仲有想中六合彩。”會否趁生日下注？她自言不懂賽馬，只會在心中試一下自己的運氣。余潔滢自言人生首次到沙田馬場，希望有賭運，她笑說：“自己只會買最熱門嗰啲，最多都只是贏得一餐M記。”