林德信結婚私隱唔想公開

    一連四場的單一麥芽威士忌酒吧騷，林德信、Alan（布志綸）、Cath（黃妍）、Mischa（葉巧琳）、Kendy（孫曉賢）、力臻、Mic（周卓盈）、Mansonvibes參與。林德信婚後首次參與音樂活動，笑言邀請粉絲早啲到、飲多杯：“因為結婚都唔想太公開，所以呢次音樂活動可以同粉絲見吓面，聽吓我啲歌。其實粉絲都係我家人之一，咁希望佢地早啲到飲多杯，最多我Encore多幾首歌，千萬唔好灌醉我。”周卓盈、力臻、Mansonvibes屬樂壇生力軍，力臻盼透過演出累積經驗值：“其實唱咩騷我都好期待，只要係唱Live就期待，我地呢代歌手比較少唱現場嘅機會，所以呢次都會好認真揀歌、練歌！”

    布志綸第二次參加此音樂活動，希望與粉絲淺嘗把酒言歡：“其實過去幾年都冇咩去酒吧，大家生活習慣都有啲唔同咗，過去我好享受酒吧演出，因為大家距離好近，可以望真啲佢地，甚至演出之後可以同佢地碰碰杯，所以對呢次表演都幾期待。”而Cath就話自己較少參與酒吧演出，希望會有另類體驗畀觀眾：“因為我啲歌都可能會靜態啲，但係都好啱收工過嚟聽聽放鬆一下。雖然我酒量麻麻地，不過約好朋友見面時都會飲少少，試過一次飲醉酒朋友話我會勁唱歌，返到屋企搞到父母勁擔心，從此都唔敢飲太多。”