《新聞女王》收視報捷

    佘詩曼明示想拍續集

    前晚，佘詩曼、馬國明、高海寧、何依婷、鄧智堅、吳業坤、何廣沛、高鈞賢和鄭衍峰，出席台慶劇《新聞女王》宣傳活動。阿佘透露拍攝期間一度受傷，至今已事隔半年尚未完全康復。正忙於籌辧婚禮的準人夫人妻馬國明及何依婷，都抽空參與劇集宣傳活動。馬明趁機否認鐵馬成員不和、力撐鄭嘉穎不出席其婚禮有理；至於今個月出嫁的何依婷，揚言要做個忍喊新娘。

    說到劇集收視高企，會否向觀眾派福利？阿佘即腦筋急轉彎想先收福利：“監製開拍續集就係最佳福利。（會再度接拍？）劇本咁正，一定人人搶住拍。（可知獲睇高一線奪視后？）多謝大家支持，獎項隨緣。”提到有傳鄭嘉穎因不滿馬明與前度緋聞女友阿佘合作，與馬明反目兼缺席對方婚禮；阿佘聞言哈哈大笑：“好好笑，點解會扯到咁遠，我唔相信係事實。”說罷亦不忘恭賀馬明。

    馬明因好兄弟鄭嘉穎宣佈不出席其婚禮及一句“參與鐵馬家族聚會嘥時間”言論，爆發不和傳聞。馬明解釋：“好合理，我響外地辦婚禮，佢有三個小朋友，走幾日好困難，所以我冇嘢喎、仲完全體諒。今次只邀請了六十人，都唔係人人來得到。（有沒有失望？）大家咁熟，係熟朋友先唔會失望；其實佢一早已通知咗我唔參加，換轉我都係屋企人行先，好合情合理；正如嘉穎和林子善自當爸後少了出席鐵馬聚會，大家都會明白，我都有生小朋友計劃，可能稍後我都會減少出飯局。總之不熟悉鄭嘉穎的人可能會覺得佢講嘢好串。”

    何依婷同樣不願公開婚期，但透露將於今個月倒數前完婚返港，又直言日前為好友蔡嘉欣婚禮擔任姊妹是順道取經。她事後檢討說：“我有反省，檢討自己嘅婚禮安排，因發現原來婚禮好忙、好多嘢搞、好複雜！”她又指在婚宴上有許多感人場面，當日忍到晚上終於忍不住淚崩，亦提醒了自己結婚當日要強忍淚水，以免影響妝容。她稱因工作關係未有時間度蜜月，所以很期待明年一月與老公及一班朋友到北海道滑雪。