伍仲衡明年婚禮像開個唱

    伍仲衡(Harry)日前作客TVB娛樂新聞台節目《StarTalk》，接受主播許文軒(Edmond)專訪，暢談推出首本《作品鋼琴集》的感受。

    Harry表示：“對於一個作曲人，一個鍾意彈鋼琴嘅人嚟講，能夠可以擁有一本自己創作作品嘅鋼琴集，絕對係成就解鎖。其實班粉絲成日叫我出琴譜畀佢哋彈，講咗兩年幾終於出到！出琴譜之外，仲有張純鋼琴唱片，不過要一模一樣跟返自己寫嗰份譜去灌錄，對我嚟講真係好難！”

    談到將迎來五十歲，踏入人生另一階段，Harry說：“年初在演唱會上求婚成功，依家正準備婚禮！（婚期在何時？）明年春季。與其話搞婚禮，其實係一個派對，一定會有音樂，有Live Band，會叫好多朋友上台唱歌，亦都係我嘅個人演唱會，迫啲朋友聽我唱歌，我想叫啲賓客畀燈（評分），自己轉出嚟！依家努力減肥，有跟教練鍛煉，不過真係好辛苦，希望到時着到件禮服，依家着衫開始鬆返啲。”