住屯門並非同樓

   呂慧儀否認與張景淳鄰居

    前晚，呂慧儀、周嘉洛、林淑敏、許家傑、劉丹、單立文、滕麗名、孟希璘等《愛 · 回家之開心速遞》演員，以萬聖節造型齊出席“Happy Halloween”宣傳活動，場面十分熱鬧。

    周嘉洛前晩以“花面貓”造型現身，他笑言：“我因為今日凌晨要開工，所以沒有剃鬚就趕過來，唯有畫花塊面遮掩啲鬚根啦。（萬聖節可會相約朋友去玩？）當日我要開工，最近真係特別忙，就算朋友約都冇辦法，我真係好鍾意開工。”

    前晚，呂慧儀帶病開工，接受訪問更出現沙聲，她表示：“我係聲帶發炎。因為早幾日同囝囝及一眾演員到主題樂園遊玩，搞到失聲，連我哋坐過山車時被扮鬼的工作人員嚇，都嗌唔出聲，期間巧遇林盛斌，佢都笑我好安靜，要由身旁的湯盈盈做我‘代言人’。”談到呂慧儀的緋聞男友張景淳被人影到在巴士上睡覺，被網民懷疑他是從呂慧儀的寓所離開，而要坐屯門開出的巴士。對此她表示：“我都有留意呢啲報道，佢都係住屯門，但我哋唔係鄰居。（可有看過他的睡相照片？）有，都幾正呀！我覺得藝人都好慘，有時好攰瞓着咗，被人影到曬咗出嚟。所以如果見到我瞓着就唔好影，我驚瞓到流晒口水。”

    另外，影星孟海早前因食道癌離世，享年六十五歲。原來在《愛 · 回家》中演接龍集團IT部電腦技術支援主任童立桐的孟希璘，是孟海的侄。孟希璘受訪時表示：“二伯父和二伯娘好恩愛，二伯娘每日都會陪伴二伯父。我同家人好唔捨得二伯父離開，想幫二伯父又幫唔到，都覺得好辛苦。二伯父最終離世，我哋都明白到佢係‘離苦得樂’。二伯父待人好好，好多人讚，佢係我嘅好榜樣。”