陳柏宇加國開唱多感觸

    繼在英國舉行個唱後，陳柏宇日前在加拿大舉行一連兩場的《陳柏宇The Fight Goes On World Tour 2023》多倫多站，更順道放假與在彼邦的家人聚首一堂，共享天倫之樂。他上一次到加拿大開騷已是十四年前的事，所以今次開騷門票一推出就已被秒殺，即使加場仍有不少樂迷向隅。得到樂迷的厚愛，陳柏宇心情大靚，大派福利答謝粉絲，特別在尾場，除了一度除去外套大騷麒麟臂外，在Encore環節任由大家點唱，結果即興唱出《車匙》、《永久保存》、《I Miss You》、《閱後即焚》、《拖》等歌曲。

    陳柏宇唱出寫給女兒Abi的《本能寺》時，一度喊到未能唱下去。此外，他又分享了這次回多倫多的感受：“今次返嚟見返識咗廿幾年嘅朋友，回想返以前做嘅戇居嘢、低B嘢、無聊嘢，其實全部都係經驗，喺我哋朋友圈子中，冇人行差踏錯嘅，以前一齊玩，冇目標，一齊走堂嘅朋友，以前返嚟係見朋友玩，見朋友多過見屋企人，但今次返嚟，長期處於清醒狀態，同埋有家庭嘅狀態底下，所有嘢係開心啲嘅、溫馨啲，精神爽利啲。今年返嚟都有朋友問，夜晚出唔出嚟飲嘢，但我幾年冇飲過酒，老喇，近年都係十一、二點就瞓，好乖好健康呢！”