草蜢雲頂開騷反應熱烈

    草蜢早前公佈到馬來西亞雲頂開騷，當地隨即掀起撲飛熱潮，門票迅速被搶購一空，主辦單位決定加開一場，滿足粉絲們的撲飛訴求。已經有四年時間未到過馬來西亞開演唱會的草蜢，日前開騷當地的歌迷熱情不減，整晚揮動熒光棒，一邊尖叫、一邊和唱，氣氛相當高漲。“原本我哋只打算開一場，但反應太好，最終開多一場，我哋特別鍾意嚟馬來西亞開show，絕對係草蜢到過嘅巡迴站，最好反應、最好氣氛嘅三甲之列。”蘇志威說。

    蔡一智說：“我覺得當晚嘅粉絲真係好犀利，佢哋反應大到不得了，我哋根本唔使dancers同和唱，因為佢哋已經係dancers同和唱，成個show三個鐘，陪住我哋又唱又跳，好勁！”除了馬拉歌迷，原來這兩晚的雲頂站巡唱，還集合了世界各地的草蜢粉絲，蔡一傑說：“我知道有世界各地粉絲嚟咗，包括澳洲、美國、泰國、香港、台灣、新加坡，佢哋都話好好睇，好值得飛咁長途機嚟馬來西亞睇我哋三個表演，喺度衷心多謝我哋嘅粉絲。”