林溥來一家三口遊廣州

    昨晚播出的《同屋企人去旅行》，講林溥來同老婆關宛珊和囝囝，一家三口到廣州體驗親子遊，首站是室內滑雪場。但一開始已出現重大危機，囝囝扭計不願換上滑雪裝喊爆，幸好林溥來和關宛珊最終氹掂囝囝換衫，囝囝之後亦玩得不亦樂乎，瀡冰滑梯更開心到嗌Encore，非常可愛。林氏一家三口又去到荔灣湖公園，坐艇仔品嘗源於荔灣的艇仔粥，夠晒正宗。之後一行人去到靜山湖的生態園區，鍾意動物的囝囝，親親小動物餵牠們吃東西，期間不慎被羊駝咬到手指仔，但他相當叻仔沒有哭出來。

    林溥來不讓兒子專美，挑戰公園內的越野車電掣風馳一番。最後一站去到豎德生活館，當中雲集不少Café和書店，是著名打卡熱點。期間關宛珊被書店掛着的金句“我無限熱愛新的一天”及“我願意在此，看你長大”觸動，她哽咽說：“囝囝每日都喺度變緊，每日都有新嘅嘢畀到我哋，好唔捨得佢大得咁快。”林溥來聽畢亦感動到眼濕濕。林家三口還會去肇慶學包裹蒸糭，之後到七星岩遊湖兼食好嘢。