黎耀祥串李思捷晚晚瘟女

    本周日播出的第三季《思家大戰》，首集嘉賓有自嘲“過氣視帝”的黎耀祥，他串爆李思捷“掛住瘟女”。節目開始，思捷問祥哥：“想問你哋係咪識輕功同練氣功？”祥哥即拋窒他說：“我哋拍過一套劇集叫《輕 · 功》，你係咪冇睇呀？”思捷停頓數秒後說：“我梗係有睇，集集都有睇。”祥哥唔信思捷有睇，當場串爆思捷每晚“掛住瘟女”！知衰的思捷即拋書包向視帝祥哥笠高帽：“你個視帝祥都幾犀利，唔係識輕功，就係做殺手，再唔係就係拳王，咩都畀你擸晒喇！”

    之後黎耀祥回應：“我淨係兩個字先做㗎。”全場即起哄嗌視帝，祥哥謙稱：“我依家係四個字，過氣視帝！”到問答環節，其中一條問題是講出一句羅文名曲《激光中》的歌詞，出名模仿羅文神似的祥哥大晒搞笑本色，以羅文腔唱出“光加熱就等於火”，引來全場掌聲。表現勁水皮的朱晨麗，全晚沒有答中過一條問題，思捷問她覺得自己表現如何，朱朱竟然自讚說：“出色吖，由第一題就開始中晒。”最終朱朱慘被噓爆。