陳嘉慧被嘲睇日劇上晒腦

    無線推出全新旅遊資訊節目《請一日假去旅行》，將於周四起播出。節目由多位藝人擔任主持人，親自到港人最喜愛的旅遊熱點，為觀眾推介好去處。當中包括：“東京篇”的周奕瑋＋陳嘉慧、“首爾篇”的麥美恩＋戴祖儀、“曼谷篇”的李芷晴＋何沛珈及“台北篇”的余思霆＋金剛。

    首周出發的組合是周奕瑋 (Jarvis) 與陳嘉慧 (Erica)。兩大“日本通”將帶大家玩盡東京。Jarvis受訪時表示東京近年多了很多新景點：“以東京為例，澀谷已經有好多新去處、新商場，所以今次喺節目中，我哋都會主力同大家介紹喺封關呢幾年開咗嘅新地方，等大家有一個Update啲嘅日本行程規劃。”講到與Erica合作，Jarvis笑言很舒服：“因為大家都識日文，有時同餐廳老闆傾偈，或者喺當地發現啲得意嘢，大家一睇就知道，唔需要翻譯，所以都可以玩得更加盡興。”Jarvis還踢爆Erica睇《First Love》上晒腦：“Erica去到唔同嘅地方都捉住我拍片扮《First Love》，搞到今次明明係拍旅遊節目，但我覺得好似變咗拍日劇咁。”