谷婭溦有信心五日減七磅

    昨日，汪明荃、甄子丹等為《好市民獎頒獎典禮》擔任嘉賓，谷婭溦、謝東閔及《中年好聲音》的選手應邀演唱助興。

    阿姐笑言：“我曾為這活動擔任首屆頒獎嘉賓，五十年後再度獲邀請出席，真的感到好難忘。”

    谷婭溦被問及最近工作安排時，她開心地表示：“下個月我將推出一首親自作曲嘅新歌，又正在和公司傾緊拍新一輯美食節目。我本身係‘吃貨’，當然好希望可以拍得成啦。（因為你太為食？）我看到美食，真係會冇晒節制，食到嘔都會繼續食。早前我因為食得太多，已肥咗十磅。（看來又唔似？）我只係靠着鬆身衫遮掩。我係肥咗喺腰和腳，身材冇變好。下個月我會拍新歌MV，我有信心五日可以減七磅，只要肯忍口，應該可以馬上瘦返。”