拍劇摸勻周嘉洛全身

    江嘉敏：佢話似畀男人摸

    前晚，劇集《新四十二章》中周嘉洛和江嘉敏在劇中大放笑彈，兩人飾演歡喜冤家，除了上演壁咚及樹熊式死纏，更齊齊化身“黑超特警組”深入虎穴進行調查。結果身陷危機，要靠“糖妹”黃山怡、戴耀明和鄺潔楹來救場。

    江嘉敏與周嘉洛的“半天吊”戲份亦拍足一整晚通宵，事後江嘉敏笑指，今次比拍攝“神行百步”輕鬆。她說：“不過因為吊住條頸嗰條係麻繩，所以都有少少血痕。佢哋個個都以為係化妝，咁仲好，感到成件事好真實。＂

    記者又問到，江嘉敏劇中與周嘉洛是否有不少埋身接觸？她說：“我們多年前已有合作，又同樣玩得，故此默契無限。唯一尷尬嘅係，劇入面我剪咗短頭髮及用男性用的髮Gel，被佢話好大陣男人味，好似畀男人摸緊咁。仲有留意佢響訪問中，話我真人同個角色一樣咁摟打；更感激這部劇發掘了大家的喜劇基因。”

    糖妹首次拍打戲，被指有板有眼，不論姿勢、眼神均有殺氣。其中，反身翻騰兩周半倒掛金鈎、以及“繞牆一周”兩大招式，更是揮灑自如。監製亦大讚糖妹打得出色，並指她在這一集所有動作戲全部親身上陣。

    糖妹笑言：“人矮身手會矯捷啲，真係有關係，同埋呢幾年有做Gym，起碼下盤好穩，跌又跌唔親。加上武指喺兩個月嘅訓練入面，不斷教我哋點樣做動作會靚啲同埋保護自己唔好受傷，而且食吓宵夜又打吓，時間好快過，所以係興奮多過辛苦。”笑言自小恨做“女俠”的糖妹，透露當收到監製“打女令”時很開心：“一聽到要我做‘最矮又最打得嗰個＇，我就舌累飯應。”