新片十日票房過半億

    栢天男有求必應願剝衫

    前晚，栢天男、林小湛、吳若希與老公何兆鴻、余安安、苑瓊丹、郭秀雲及江芷妮等，到圓方出席電影《毒舌大狀》演藝貴賓特別場。栢天男說近日除了忙於謝票外，亦專程來捧戲中的外母小湛姐（林小湛）場，他指今次在小堪姐身上學到了做演員最需要的，是有禮貌和品格。

    該片上映十日票房已破五千五百萬，成績理想，栢天男大讚劇本寫得好，同時非常感激香港觀眾支持。他又稱若票房再攀高，開LIVE時會盡量滿足觀眾來答謝。被問到會否穿泳褲，他笑說：“呢個好似係阿Dee（何啟華），佢話着泳褲，（會唔會騷肌？）開LIVE時有要求的話，到時再睇下，其實開心嘅，十日內去到五千五百萬好犀利，而且口碑好好，不過都仲好需要大家支持。”戲中飾演大反派的他，認為做演員不要理角色好或壞，只要投入去做就好。

    小湛姐出席過特別場之後，昨日已飛往加拿大探望家人：“三年冇返去，好掛住佢哋，今次係我個仔同女買機票，會逗留一個月。”小湛姐透露返港後將會拍杜琪峯的新戲，以及接拍兩部內地電影。現年八十二歲的她，笑言越忙越好，反而沒工作就覺得好攰，家人亦好支持她。小湛姐說：“二○一九年我在加拿大攞咗最佳女配角，當時我七十九歲，啲人問我幾時退休，我就話我會一直做戲做到一百歲。”

    吳若希與老公何兆鴻前晚撇低一對仔女拍拖睇戲，她笑指因為是老公卅七歲生日正日，要帶對方來見世面，還有最重要是免費：“老公新年前已經好想睇呢套戲，由過年講到今日，終於可以實現佢嘅生日願望。”她指因小朋友證件問題，故新年留在香港度過，老爺奶奶亦有來港一起過年。她亦一如往年返了鄉下福建過年。而年初三到了澳門工作，為今年開了一個好頭：“好耐冇過澳門，久違嘅一個出埠工作，再去澳門嘅感覺好奇妙，好似所有嘢都變咗，但個氣氛仲喺度。”