蔡思韵首次去泰國興奮

    蔡思韵(Ceci)受惠於各地放寬社交距離政策，今個農曆新年享受了泰國初體驗，首次踏足泰國同家人共度新年，為自己叉電。Ceci說：“未畢業已經開始工作，加上呢幾年疫情關係畢業後一路都希望遇到好劇本，所以每次工作完都會期待下一個故事。呢幾年機會難得所以都唔敢放長假，今次真係好認真咁樣去玩。”

    Ceci分享是次旅程的相片，當中罕有大曬泳裝照，還有大露背及騷長腿。她分享新鮮經歷：“很多年沒試過與家人一齊旅行，好多人都去了N多次的泰國，我居然係第一次去，因為疫情過後真係好想過一個熱辣辣的新年，一於陽光海灘曬餐飽。出發前，前化妝師都有提醒我塗多點防曬油，但都曬黑咗，膚色睇落又好似幾健康，趁機會吸收維他命也不錯。而且到陽光海灘地方可以穿着清爽一點，符合天氣及旅行的心情。今次旅程最享受泰國椰青同美食，真係盡興。同時去了浮潛，當地海域頗適合浮潛。最幸運是見海龜，當地人講海龜不常見，要有點幸運才遇到，超級開心呢！”