陳奕迅憶初入行辛酸

    陳奕迅(Eason)前晚在今次紅館個唱的第十五場上，再次因為觀眾熱烈要求，唱了第二小段的即興版《浮誇》，還喚起了年輕往事。他一如今次個唱的慣例，連唱廿九首歌曲後才與觀眾傾談。觀眾即起哄要他唱《浮誇》，最終他順應民意，並曬驚人記憶力，指這首歌是收錄在○五年六月七日推出的唱片中，自嘲能記得晒自己出碟的日期好變態。唱完一小段後，觀眾因為太入神及只顧拍片，所以來不及即時有太多反應。Eason笑道：“你睇你哋，冇乜反應，哈哈。”觀眾即報以熱烈歡呼聲。

    他又說：“其實我唔係好需要反應，太多年了，試過未唱就好有反應，又試過唱完冇反應。我人生第一個騷，喺香港會議展覽中心，當年連自己歌都未有，上台係唱我偶像張學友嘅《望月》。一路唱一路唱，台下的人一路喺度十五二十（猜枚），因係人哋春茗。我依家仲記得，唱完之後，我返後台，我好嬲，發誓以後要唱得好聽到佢哋個膀胱爆都唔去廁所！留喺度聽我唱！好嬲，當年廿一歲！好有動力，過咗幾年，人大咗，人哋尿急到塊臉變紫色都唔比畀佢去咩？勸都勸佢去啦，但係後生應該咁，keep住啦！其實我都好後生，四十八歲仲係好細個！”