張國強讚李佳芯窩心

    張國強(KK)演無線新劇《有種好男人》，剛於《超能使者》扮演正氣角色的KK，今次搖身一變演背妻偷食的“鹹濕富豪”。他受訪時說：“拍呢類戲好多時都幾踩界，好彩啲對手都信任我，大家知道點樣達到效果。”他謂最難忘跟Ali（李佳芯）的漫步沙灘戲，皆因拍攝當日氣溫急降又大風，加上劇情所需要赤腳，令二人凍到震。KK道：“嗰日我準備咗薑茶同Ali分享，點知佢又有，所以佢係一個幾窩心嘅好拍檔。”與太太結婚卅四年的KK出名“愛妻號”，雖然過去不止一次與女拍檔有親密演出，但入行四十六年仍能保持零緋聞，KK說：“多謝太太多年信任。”

    莊鍶敏演金牌人生教練岑曉婷，大搞自我增值課程，博取“釣金龜”機會，而學生之一的葉蒨文搭上張國強。角色需要她經常盛裝出入上流社交場合，貴為“大馬拿督千金”的莊鍶敏透露有出動私伙配襯，價值約二十萬的手袋更是貴氣十足。現實可有接觸“進擊拜金女”？她笑言：“我有見過三五成群嘅女仔特登學金龜鍾意嘅活動，譬如打高爾夫球，又會自學點接近啲金龜。”有否被女生要求介紹筍盤？莊鍶敏笑言：“啲女仔通常都咁講，但我未試過介紹筍盤畀朋友，因為我身邊都唔夠筍盤，我自己都好想要！”