陳奕迅個唱叉錯腳驚險

    陳奕迅前晚舉行的第五場演唱會，獲觀眾開晒電話燈滿天星海為他打氣，令Eason感動得紅着眼流淚，要返落台下冷靜情緒才能繼續演唱。當晚觀眾反應熱烈萬分，一度令Eason差點忘記歌詞唱不下去。為答謝大家，他不斷爬上舞台最高位跟山頂朋友打招呼，“我聽到你哋話想望真啲，我都想望真啲大家！”唱到《七百年後》

    Eason落山時，差點於高樓梯叉錯腳，幸好及時平衡回來。他笑住同觀眾講，“你哋真係太勁，搞到我都亂晒呀！真係！哈哈哈！”

    與觀眾交談的互動環節中，Eason得知大家會每晚上網搜尋演唱會的資料時，笑謂，“唔怪之你個樣咁攰啦。哈哈哈。其實最緊要係咩？最緊要係依家！Now！咁早知幾冇癮，況且2D、3D唔同嘛！”安歌環節Eason選唱了《K歌之王》，全場七千人一齊大合唱，Eason唱幾句已經明顯滿眼通紅，一直強忍淚水，要求自己好好唱完整這首歌。自從他每晚安歌歌單不同，歌迷網民已經掀起“估E神安歌唱咩歌遊戲”，有聰明的歌迷已經猜到，歌單是由他出道的年份開始選歌。