鄭裕玲被鄭衍峰焫(殸+火)

    由鄭裕玲(Do Do)、鄭衍峰(Leonard)及周奕瑋(Jarvis)主持的《樓價有得估》添食四集。新一集中有嘉賓江嘉敏、劉穎鏇VS何依婷、蔣家旻。而江嘉敏更抵死“表忠”，自言會選擇公司附近“上車”，因未來五十年都會在附近。Leonard以揀女友比喻樓宇呎價說：“揀樓好似揀女朋友咁，除咗四正之外，樓齡都好緊要。”在旁的Do Do聞言即嬲豬謂：“依家咩意思呀？邊個坐喺你隔籬呀？好多(口+靚)仔都鍾意我(口+架)！”轉數快的Leonard即硬兜：“你係女神，唔係女朋友。”場面搞笑。

    是集分別走訪了黃俊豪及招浩明家居，黃俊豪位於西半山的單位以白色裝修為主，乾淨企理；招浩明位於大埔白石角的單位則擁有特色露台，方便他訓練狗狗和睇劇本，兩個單位各有優點。另一集的嘉賓由張頴康、麥雅緻夫婦 VS 區永權、賴慰玲。張頴康回答問題時看似對樓價相當熟悉，Do Do見狀忍不住追問：“你哋係咪成日睇樓？”麥雅緻直認：“睇樓係一個節目嚟。”賴慰玲則透露最近研究不同校網，坐擁喇沙、拔萃、瑪利諾等傳統名校的四十一校網是其心水之一。該集還走訪了梁芷珮的星級家居，DoDo姐指對方愈住愈大間！