鄭欣宜拍MV克服恐懼
鄭欣宜(Joyce)今年第四首派台歌《恐懼蠶食心靈》上架，新歌MV前日在大型商場舉行首播活動，吸引大批Joy Stick（她歌迷的暱稱）和市民捧場支持，場面熱鬧。Joyce透露，今次MV挑戰她最大的“恐懼”，就是演戲。而且配合劇情變成喊包，結果成功克服，獲得認同好開心。“我好鍾意新歌《恐懼蠶食心靈》，當中探討嘅問題，正正係我人生之中不斷面對嘅問題。可能大家都覺得鄭欣宜好有自信，好知道自己想做乜嘢嘅人，係嘅，但去搵到想做乜嘢或者自信之前，其實不斷有好多問題去問自己，呢啲問題會產生恐懼。”
Joyce說在尋找答案的過程中，每個人都有迷失或沒自信的時候，最重要是學習面對。她說：“呢首歌嘅歌詞和MV故事想表達：感到恐懼，好正常，最緊要知道恐懼嘅係咩東西，去正視佢，第一步就係面對和克服。”Joyce自言：“我最大恐懼就係演戲！”偏偏今次MV就要演戲，而且很多內心戲。結果她成功了，MV首播後獲得很多認同，歌迷說被Joyce的角色感動。
