新片入圍東京國際電影節

    蔡思韵闊別日本五年興奮

    電影《狂舞派3》、《哪一天我們會飛》監製陳心遙、ViuTV劇集《婚內情》編導曾憲寧執導的首部長片《燈火闌珊》入圍第卅五屆東京國際電影節（TIFF）“亞洲未來”單元競賽，成為唯一今屆東京國際電影節中爭奪殊榮的港產片。兩位幕後主腦聯同主演的蔡思韵及周漢寧，日前一同參與電影節的開幕典禮，眾人分享了他們在疫情後往海外參展的心情。

    今次是蔡思韵(Ceci)首度參與在香港以外地方行紅地氈，Ceci說這種感覺既陌生又熟悉，她說：“其實唔好話日本，連離開香港，都已經有兩、三年都冇出過去。日本都有五年，對上一次係去京都旅行，所以嚟到久違嘅日本，係超級開心同興奮，而第一次喺香港以外地方行紅地氈，喺唔熟悉嘅語言、唔熟悉嘅環境，但係電影係大同，因為電影係可超越語言嘅藝術媒介，好開心可以將一套香港電影帶到嚟日本，可以同唔同嘅觀眾交流，甚至可以同日本嘅觀眾、電影人交流，我覺得好開心，好榮幸參加呢個電影盛會。”

    周漢寧第一次以主角身份參與電影演出，就有份於國際影展上行紅地氈，對他來說是一次難忘的經歷。阿寧說：“心情既興奮又有啲緊張！實在太耐冇搭過飛機離開香港，冇惗過再飛就係出席東京國際電影節，所以喺抵埗嘅一剎那，我竟感動到有啲啲想喊。《燈火闌珊》是一齣以香港式微行業為主題嘅電影，好高興有機會陪伴佢出現喺國際舞台，等更多人見到香港美麗嘅一面。另外，可以藉住東京國際電影節欣賞來自世界各地嘅電影，係一個好難得嘅交流機會。”

    為了影展，二人均盛裝出席盛會，Ceci的一襲大露背晚裝更是十分吸睛，紅地氈上的影迷都十分熱情，眾人沿途都要不停為影迷簽名留念，場面熱鬧！兩人都有心儀的演員，希望能在影展中與他們有緣遇上。Ceci道：“我好想見到安藤櫻，佢係我偶像，如果見到佢一定超級開心。”阿寧說：“我最想見到菅田將暉，他對演戲嘅理解同埋給予角色嘅生命力都好啟發到我，另外就係高橋一生，非常欣賞佢嘅氣質同埋對人生嘅一啲觀感。”