許廷鏗吳林峰合作有火花

    許廷鏗(Alfred)與吳林峰下月十八日假灣仔會展舉行《Music From Home 許廷鏗 X 吳林峰音樂會》，兩位歌手生於斯長於斯，他們的人生以至音樂道路都離不開香港這個家，今次他們希望借音樂會主題“Music From Home”帶出另一種家的體會。Alfred說：“近年因為疫情關係，好多朋友離開咗呢個地方，亦有可能有人計劃緊飛走。我想將屋企嘅定義拉闊啲，希望當晚入嚟睇嘅觀眾惗住‘咩係屋企？’，然後透過我哋嘅歌曲會有唔同嘅體會。”

    身為唱作人的Alfred與吳林峰，今次為音樂會破天荒聯手炮製新歌，由吳林峰作曲，Alfred填詞，並在音樂會上首次公開演唱。吳林峰坦言一直渴望寫一首歌與對方合唱，希望“借歌敬fred”來感謝這位伯樂！他說：“真係好多謝佢比咗好多力量我，如果當時Alfred冇用到我首歌《雪糕》，可能我冇動力再寫落去，我會選擇去做社工，同小朋友唱吓歌就算。所以對於努力緊嘅人嚟講，一份信任真係好重要。”