昨日賽事總投注近二百萬

    五騎五練平分戰果

    昨天草地賽完結。是仗跑五場且戲碼平淡，總投注額共收一百九十九萬四千元。

    頭埸六班混戰爆冷揭開戰幔。余健雄騎謝偉豪廄“半畝大兄”，以強勁衝刺後上挫敵。此駒今季首次落班，負頂磅出戰。騎者出閘跟住馬群而跑，入直路全力衝刺，埋門如飛殺上撼低對手，爆十八倍冷W，替馬匹取得新季首捷。豪廄添頭馬，余健雄今季首度上陣即贏馬開勝門。

    第二場爆開又爆。錢健明廄“康泰吉祥”由劉永康主轡後上掄元。此駒上季尾劉永康跑同程得第八，今季此雙人馬首次參戰。騎者已摸熟馬性，陣上發揮得宜，憑一條直路殺上，挫敗同場冷馬“大財運”替馬匹取得新季首捷。是場連贏位派彩逾千二，買中者和味。劉永康新季開齋，錢廄增添一W。

    第三場張兆煊廄包辦馬房Q。旗下“盛通精神”由高君濤主轡，出閘由頭直帶到尾，輕鬆挫敗廄侶“頂峰傳奇”。此駒今季轉廄後初出，交冠軍騎師操刀贏來全無敵手，替馬房建功。“盛通精神”新季開齋，練者贏馬交代。兆廄是場包Q，收穫不俗。

    第四場蔡鎮威贏馬。旗下“聯安大兄”由田中正一押陣，以快放本錢取勝。此雙人馬上次贏完再來，今次原裝配搭戰原程。騎者照辦煮碗出閘搶放，由頭直帶到尾，人馬連下兩城。表現悅目。田中正一贏馬，蔡廄添一W。

    尾場牌仔劉傲開餬。此子騎譚廄“誰愛合金”以快打慢，出閘搶先跟住第二位，沿途節節推進，入直路發力衝剌。埋門一攻而破擒下對手。“誰愛合金”新季開勝門，劉傲、譚文就齊齊開齋。